රෂිකා හෙන්නායක ජූලි 25 කොළඹ LNW :
කොළඹ වරාය නගර ව්‍යාපෘතියේ වත්මන් ප්‍රගතිය පිළිබඳව පාර්ලිමේන්තුවේදී ඉදිරිපත් වූ වාර්තාවක් අනුව, දැනට මෙම ආර්ථික කලාපය වෙත ඇමරිකානු ඩොලර් බිලියන 2.19 ක ආයෝජනයක් ආකර්ෂණය වී ඇති අතර, ඉන් සැලකිය යුතු ප්‍රමාණයක් මේ වන විටත් ස්ථිර කර ඇති බව වාර්තා වේ.
මෙම සංවර්ධන කටයුතු හරහා නව රැකියා අවස්ථා 9,000 කට අධික ප්‍රමාණයක් උත්පාදනය වී ඇති බවත්, දේශීය බැංකු සහ විදේශීය සමාගම් කිහිපයක්ම මෙහි ව්‍යාපෘති සඳහා දායක වන බවත් සඳහන් වේ.
තවද, රෝහල් සහ අධ්‍යාපන ආයතන වැනි යටිතල පහසුකම් සංවර්ධනය සඳහා ද ආයෝජකයින් යොමු වී ඇති බව වාර්තා වේ.
