සටහන – රෂිකා හෙන්නායක
කොළඹ (LNW): අද (27) මහරගම ප්‍රාදේශීය සම්බන්ධීකරණ කමිටු රැස්වීමට එක් වෙමින් අග්‍රාමාත්‍ය දිනේෂ් ගුණවර්ධන මහතා විසින්, අස්වැසුම බැංකු ගිණුම් විවෘත කිරීමේ කටයුතු මේ සති අන්තය වන විට අවසන් කර ප්‍රතිලාභ ගෙවීම සඳහා කඩිනම් ක්‍රියාමාර්ග ගන්නා ලෙස අදාළ නිලධාරීන්ට උපදෙස් ලබා දී ඇත.
අග්‍රාමාත්‍ය දිනේෂ් ගුණවර්ධන මහතා එහිදී වැඩිදුරටත් අදහස් දක්වමින් පවසා ඇත්තේ, සමාජ සුභසාධන ප්‍රතිලාභ ගෙවීම සඳහා දැනට බැංකු ගිණුම් විවෘත කර නොමැති පිරිස් සඳහා කඩිනමින් ගිණුම් විවෘත කිරීමට කටයුතු කළ යුතු බවයි.
එමෙන්ම අපේක්ෂා රෝහලේ වසා දමා ඇති භික්ෂු වාට්ටුව පිළිබඳ ගැටලුව ද මෙහිදී සාකච්ඡාවට ලක් කර ඇත. එය සම්පූර්ණයෙන් අලුත්වැඩියා කිරීමට ඇස්තමේන්තු සකස් කරමින් සිටින බව ද මෙහිදී අනාවරණය වී ඇත.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
