සටහන – රුවන් නෙළුගොල්ල
මත්ද්‍රව්‍ය ජාවාරම්කරුවකු සමග සබඳතා පැවැත්වීම මත අත්අඩංගුවට ගත් පොලිස් නිලධාරීන් තිදෙනෙකුගේ වැඩ තහනම් කර තිබේ.
මෙසේ වැඩ තහනමට ලක්කර ඇත්තේ මරදාන පොලීසියට අනුයුක්ත කොස්තාපල්වරුන් තිදෙනෙකුගේ ය.
ජුලි 23 වනදා කොළඹ මධ්‍යම කොට්ඨාස අපරාධ විමර්ශන කාර්ය්‍යාංශයේ නිලධාරීන් විසින් අයිස් මත්ද්‍රව්‍ය මිලිගෑම් 11,320ක් සමග පුද්ගලයෙක් අත්අඩංගුවට ගෙන තිබුණු අතර ඔහුව පරීක්ෂා කිරීමේදී ඔහු සන්තකයේ තිබූ ජංගම දුරකථනයෙන් මෙම පොලිස් නිලධාරීන්ගේ දුරකථන අංක සහ හඬපට දත්ත හමුවී ඇත.
ඒ අනුව, මත්ද්‍රව්‍ය ජාවාරම්කරුවෙකුට මත්ද්‍රව්‍ය ජාවාරම් කිරීමට ආධාර අනුබලදීම චෝදනාව යටතේ ඔවුන් අත් අඩංගුවට ගැනිණි.
මෙසේ අත් අඩංගුවට පත්ව ඇති කොස්තාපල්වරුන් තිදෙනා අවුරුදු 22, 30 හා 32 වයස්වල පසුවන්නන් බවත් වාර්තා විය.
කොළඹ මධ්‍යම කොට්ඨාස අපරාධ විමර්ශන කාර්ය්‍යාංශය වැඩිදුර විමර්ශන සිදුකරයි.
