රෂිකා හෙන්නායක ජූලි 29, කොළඹ (LNW):
තේ පොහොර සහනාධාරය රුපියල් හාරදහස දක්වා ඉහළ නංවා තිබෙන අතර, මෙතෙක් තීරණය කර තිබුණේ එම සහනාධාරය රුපියල් දෙදහස දක්වා ලබාදීමටයි. නමුත්, දැනට රටේ වාර්ෂික තේ නිෂ්පාදනය මෙට්‍රික් ටොන් මිලියන 260ක් දක්වා අවම වී තිබෙන බැවින් එම ප්‍රමාණය මෙට්‍රික් ටොන් මිලියන 300ක් දක්වා ඉහළ නැංවීම මෙහි ඉලක්කය වී ඇත.
මීට පෙර තේ වගාවට පොහොර යෙදීම සදහා රුපියල් දෙදහසක සහනාධාරයක් ලබාදීමට තීරණය කළත් නිෂ්පාදනය ඉහළ නැංවීමට එම මුදල ප්‍රමාණවත් නොවන බවට පෙනීගොස් තිබෙන අතර, ඒ අනුව අමාත්‍ය මහින්ද අමරවීර මහතා අමාත්‍යංශ ලේකම්වරයාට උපදෙස් දී තිබෙන්නේ එම සහනාධාරය රුපියල් හාරදහස දක්වා ඉහළ නංවන ලෙසයි. එළඹෙන මහ කන්නයේ සිට පොහොර සහනාධාරය ලබාදීමට නියමිත බව දන්වා සිටී.
