සටහන – නිශ්මං රණසිංහ
ජූලි 29, (LNW) කොළඹ :
මෙවර ඔලිම්පික් තරගාවලියේ දී ජපානය දක්ෂතා දක්වන ජූඩෝ ක්‍රීඩාවෙන් රන් පදක්කම් දෙකක් දිනා ගැනීමෙන් අනතුරුව ඔවුන් පදක්කම් සටහනේ පෙරමුණට පැමිණ තිබෙනවා.රන් පදක්කම් හතරක්,රිදී පදක්කම් දෙකක් සමඟ ලෝකඩ පදක්කමක් දිනා සිටින ජපානය ජූඩෝ ක්‍රීඩාවට අමතරව කඩු හරඹ සහ පිහිණුම් ඉසව්වලදී ද රන් පදක්කම් දිනා ගෙන සිටිනවා.
ඔස්ට්‍රේලියාවද රන් පදක්කම් 4 ක් සහ රිදී පදක්කම් දෙකක් දිනා ගෙන සිටියද ඔවුන්ට ලෝකඩ පදක්කමක් හිමි වී නැහැ.ඒ අනුව ඉදරියෙන් සිටීමේ අවස්ථාව ජපානයට හිමි වි තිබෙනවා.
මේ සමඟ වන ඡායාරූපයේ දැක්වෙන්නේ ජූඩෝ ක්‍රීඩාවෙන් ජපානයට රන් පදක්කමක් දිනා දුන් සුනෝඩා නට්සුමී සිය ජයග්‍රාහී පදක්කම ප්‍රදර්ශනය කළ අයුරුයි.
