ජාතික ජන බලවේගය මේ රටේ සිදුකිරීමට බලාපොරොත්තු වන වෙනස කිරීමට නම් ගොවීන් ද වෙනස් වියයුතු බව කෘෂිකර්ම, ඉඩම්, වාරිමාර්ග හා පශූ සම්පත් අමාත්ය කේ. ඩී. ලාල්කාන්ත මහතා පවසයි.
“ඇත්තම තත්වය මේකයි, අපේ රටේ මේ වෙනස කරන්න අමාරුයි ගොවියොත් වෙනස් නොවී. ගොවි මහත්තුරුන්ව අතගගා, හොඳයි, ඕගොල්ලො රජවරු, ෂෝක්, ජාතියට බත සපයනවා … වගේ ඒවාම කියකියා මේක වෙනස් කරන්න බෑ. ඇත්තටම අපි ඉන්නෙ දැන් එකතැනක ඉඳන් වෙනත් තැනකට පරිවර්තනය වෙන කාලයක නෙ. එතකොට පරිවර්තනය වෙන කාලයක ස්වරූපය තමයි හොඳත් අහන්න වෙනවා, නරකත් අහන්න වෙනවා. ඉතින් අපි ඒ දෙකටම ලෑස්ති පිට හොඳ වෙනුවෙන් වැඩ කරගෙන යනවා”
කේ. ඩී. ලාල්කාන්ත අමාත්යවරයා මේ බව පැවසුවේ පෙරේදා (28) අනුරාධපුර ප්රදේශයේ පැවති රැස්වීමකින් අනතුරුව මාධ්ය වෙත අදහස් දක්වමිනි.
