රෂිකා හෙන්නායක ජූලි 31, කොළඹ LNW :
ශ්රී ලංකා කාන්තා ක්රිකට් කණ්ඩායමේ ඉමේෂා දුලානි ප්රබල පාකිස්තානු කණ්ඩායමට එරෙහිව විස්සයි20 ශතකයක් වාර්තා කරමින් අතිවිශිෂ්ට දක්ෂතාවක් ප්රදර්ශනය කර තිබේ.
චමරි අතපත්තුගෙන් පසුව මෙම ජයග්රහණය අත්කරගත් එකම ශ්රී ලාංකික ක්රීඩිකාව බවට පත්වෙමින් ඇය ඉතිහාසයට එක්විය.
ලකුණු 177ක ඉලක්කයක් හඹාගිය මෙම තරගයේදී ඇය පන්දු 64කදී නොදැවී ලකුණු 101ක් රැස් කරමින් සිය කණ්ඩායම ජයග්රහණය කරා මෙහෙයවූවාය.
ඇයගේ මෙම ආක්රමණශීලී ඉනිම හතරේ පහර 17කින් සහ එක් හයේ පහරකින් සමන්විත වූ බව මූලාශ්රය සඳහන් කරයි.
අවසානයේදී ශ්රී ලංකා කණ්ඩායම තරගයේ 19 වැනි පන්දුවාරයේදී අදාළ ජයග්රාහී ඉලක්කය සපුරා ගැනීමට සමත් විය.
මෙම සුවිශේෂී ඉනිම ශ්රී ලංකා කාන්තා ක්රිකට් ඉතිහාසයේ වැදගත් සන්ධිස්ථානයක් ලෙස හඳුනාගත හැකිය.
