සටහන: සශිකලා මධුෂාණි
අගෝස්තු 09; ලෝකය(අවුට්බවුන්ඩ් ටුඩේ): ඇෆ්ගනිස්ථානයේ සිට බලුකිස්තානයේ නිරිතදිග පළාතට ඇතුළු වීමට උත්සාහ කළ සටන්කරුවන් 33 දෙනෙකු වෙඩිතබා ඝාතනය කළ බව පාකිස්ථාන හමුදාව නිවේදනය කර ඇත.
මේ සමබන්ධයෙන් විශේෂ නිවේදනයක් නිකුත් කරමින් පකිස්ථාන හමුදාව ප්‍රකාශ කර තිබුණේ, බලුකිස්තාන පළාතේ ෂෝබ් දිස්ත්‍රික්කයේ රාත්‍රි මෙහෙයුමකදී ඉන්දියානු අනුග්‍රහය ලත් තලේබාන් සටන්කරුවන් අල්ලාගත් බවත්, ඔවුන් සතුව තිබු ආයුධ, පතොරම් සහ පුපුරණ ද්‍රව්‍ය හමුදාව භාරයට ගත් බවයි.
පකිස්ථානය සහ ඉන්දියාව බොහෝ විට එකිනෙකාට සන්නද්ධ කණ්ඩායම්වලට සහාය දෙන බවට චෝදනා කරගන්නා අතර පකිස්ථානයේ සටන්කරුවන්ට සහාය දීම නවදිල්ලිය ප්‍රතික්ෂේප කරන අතර නවතම සිදුවීම පිළිබඳව අදහස් දක්වා නොමැත.
ඛනිජ වලින් පොහොසත් බලුකිස්තානය ඉල්ලා සිටින බෙදුම්වාදී සටන්කරුවන් මෑත මාසවලදී ප්‍රහාර වේගවත් කර ඇති අතර මෙහෙයුම සම්බන්ධයෙන් අගමැති ෂෙබාස් ෂරීෆ් ආරක්ෂක හමුදාවන්ට ප්‍රශංසා කර ඇත.
