Tuesday, October 4, 2022

Latest Posts

යුක්රේන ධාන්‍ය අපනයනය සඳහා නැව්ගත කිරීමට සූදානම්

යුක්රේන ධාන්‍ය අපනයනය කිරීම සඳහා අවශ්‍ය නැව්ගත කිරීම්වලට අදාළ ක්‍රියාපාටිපාටි නිකුත් කර ඇති බව වාර්තා වේ.

එක්සත් ජාතීන්, තුර්කිය, රුසියාව සහ යුක්රේනය ඒකාබද්ධව මෙම ක්‍රියාපටිපාටි නිකුත් කර තිබේ.

ඒ අනුව, කළු මුහුද හරහා යුක්රේන ධාන්‍ය සහ පොහොර අපනයනය කරන වෙළඳ නෞකා සඳහා අදාළ ක්‍රියාපටිපාටි ඊයේ දින (08) දින නිකුත් කර ඇති අතර, එකී වෙළඳ නෞකා කිසිවකට ප්‍රහාර දියත් කිරීමට උක්ත එකඳු පාර්ශවයක් හෝ කටයුතු නොකළ යුතු බවට එකඟ වී ඇත.

මෙම මුලපිරීම සඳහා යෙදී සිටින වෙළඳ නැව්, හෝ වෙනත් සිවිල් යාත්‍රා සහ වරාය පහසුකම් කිසිවකට එරෙහිව කිසිඳු පාර්ශවයක් විසින් කිසිඳු ප්‍රහාරයක් සිදු නොකරන බවට එකී ක්‍රියාපටිපාටිය හරහා එම පාර්ශව එකඟ වී ඇත.

රුසියාව යුක්රේනය ආක්‍රමණය කිරීමත් සමඟ ඇතිවූ යුධ තත්ත්වයත් සමඟ යුක්රේනයේ අපනයන කඩා වැටීමට තුඩුදුන් බවට රුසියාවට චෝදනා එල්ල වූ අතර, එය ගෝලීය වශයෙන් මතුව ඇති ආහාර අර්බුදයට මුල පිරූ බවට විග්‍රහ ඉදිරිපත් වී තිබිණි.

කළු මුහුද හරහා ප්‍රවාහනය කළ යුක්රේන අපනයන යළි ආරම්භ කිරීම සඳහා එක්සත් ජාතීන්ගේ මැදිහත් වීමෙන් තුර්කිය, රුසියාව සහ යුක්රේනය එකඟතාවයකට පැමිණි අතර, එකී රටවල නිලධාරීන් සහ එක්සත් ජාතීන්ගේ නිලධාරීන්ගෙන් සැදුම්ලත් ඉස්තාන්බුල්හි පිහිටි ඒකාබද්ධ සම්බන්ධීකරණ මධ්‍යස්ථානයක් (Joint Coordination Centre: JCC) විසින් මෙම ක්‍රියාකාරකම් අධීක්ෂණය කරනු ඇත.

මෙම එකඟතාවයට අනුව, සමුද්‍ර මානුෂීය කොරිඩෝව හරහා සැලසුම්ගත නැව් ගමනාගමනය පිළිබඳ තොරතුරු මෙම ඒකාබද්ධ සම්බන්ධීකරණ මධ්‍යස්ථානය විසින් සපයනු ලබන අතර, එම ක්‍රියාන්විතයන් අතරතුර සිදුවිය හැකි අනතුරු වැළැක්වීම සඳහා එකී රටවල් වල හමුදාව කැපවී සිටී.

ඒ අනුව, මෙම කලාපයේ ගමන් කරන වෙළඳ නෞකාවක සිට නාවික සැතපුම් 10 ක සීමාව තුළ කිසිඳු යුධ නෞකාවක්, යුධ ගුවන්යානයක් හෝ යුධ ඩ්‍රෝන යාත්‍රාවක් ගමන් කළ නොහැකි බව අදාළ ලේඛනයේ සඳහන්.

ඡායාරූප: අල් ජසීරා

MIAP

Latest Posts

spot_img

Don't Miss

Stay in touch

To be updated with all the latest news, offers and special announcements.