සටහන – රුවන් නෙළුගොල්ල
තම මැතිවරණ ප්‍රකාශනය අගෝස්තු 26 වනදා එළිදැක්වීමට බලාපොරොත්තු වන බව ජාතික ජන බලවේගයේ සහ ජනතා විමුක්ති පෙරමුණේ නායක අනුර කුමාර දිසානායක මහතා පවසයි.
“ආරම්භයේදී ජාතික ජන බලවේගයට එරෙහි දේශපාලනය මතය වෙලා තිබ්බේ දිනන්න බෑ කියන එක. හැබැයි දැන් එකක් ගැන අපි සතුටු වෙනවා. ඉස්සෙල්ලා කියකියා හිටියෙ එන්න බෑ කියලා. දැන් කියන්නෙ මොකක්ද, ආවොත් … ඔය ආවොත් කියන අයට සැප්තැම්බර් මාසෙ 22 වෙනිදා කියන්න වෙන්නෙ ආවා කියලා. දැන් ජාතික ජන බලවේගයට එරෙහිව අපේ ප්‍රතිපත්තිවල නැති, අපි කියන්නෙ නැති, ඒගොල්ලොම හදාගත්තු කතා කියාගෙන යන්න පටන් අරගෙන තියෙනවා. අපි මේ ඔක්කොටම හොඳම උත්තරේ අපේ මැතිවරණ ප්‍රකාශනය මේ මාසෙ 26 වෙනිදා එළිදක්වන්න බලාපොරොත්තු වෙනවා”
තම පාලනය තුළදී මේ රට දුප්පත්කමෙන් මුදවාගෙන පොහොසත් රටක් බවට පත්කරන බවත් ඒ මහතා පැවසීය.
අනුර කුමාර දිසානායක මහතා මේ බව පැවසුවේ ඊයේ (10) ඇඹිලිපිටියේදී පැවති ජන හමුවක් අමතමිනි.
