සර්ව පාක්ෂික ආණ්ඩුවක් පිහිටුවීමට යම්කිසි දේශපාලන පක්ෂයක් විරුද්ධ වන්නේ නම් සහාය දීමට කැමති පක්ෂ සමග එක්ව ආණ්ඩුවක් පිහිටුවන බව අධිකරණ අමාත්‍ය විජේදාස රාජපක්ෂ මහතා පවසයි.
“යම්කිසි දේශපාලන පක්ෂයක් සර්ව පාක්ෂික ආණ්ඩුවක් හදන එකට විරෝධය පෑවොත් අපට විකල්පයක් නෑ, සම්බන්ධ වෙන්න කැමති දේශපාලන පක්ෂ එක්ක එකතුවෙලා අපි ආණ්ඩුවක් හදනවා. ඒක සර්ව පාක්ෂික නොවෙන්නත් පුළුවන්, හැබැයි වැඩි පක්ෂ ගණනාවක සහයෝගය ලබාගැනීමට උත්සාහ කරනවා”
එසේම සර්ව පාක්ෂික ආණ්ඩුවක් පිහිටුවීම සහ නව ආණ්ඩුක්‍රම ව්‍යවස්ථාවක් ගෙන ඒම අතර කිසිදු සම්බන්ධයක් නොමැති බවත් ඒ මහතා ප්‍රකාශ කළේය.
විජේදාස රාජපක්ෂ මහතා මේ බව පැවසුවේ ඊයේ (13) මහනුවරදී මාධ්‍ය වෙත අදහස් දක්වමිනි.
RN
