අත්‍යාවශ්‍ය නොවන රාජ්‍ය සේවකයින් කාර්යාල වෙත කැඳවීම සීමා කරමින් නිකුත් කර ඇති චක්‍රලේඛය අගෝස්තු 24 වනදා දක්වා වලංගු බව රාජ්‍ය පරිපාලන හා ස්වදේශ කටයුතු අමාත්‍යාංශය පවසයි.
ඉන්ධන හිඟය නිසා ඇතිවූ ප්‍රවාහන අපහසුතා හේතුවෙන් පසුගිය ජුලි මස 24 වනදා සිට ක්‍රියාත්මක වන පරිදි මෙම චක්‍රලේඛය නිකුත් කර තිබිණි.
කෙසේවෙතත් මේ වනවිට ඉන්ධන හිඟය බොහෝදුරට පහව ගොස් ඇති නිසා රාජ්‍ය ආයතනවල කටයුතු බාධාවකින් තොරව පවත්වාගෙන යාමට අවශ්‍ය නිලධාරීන් කාර්යාල වෙත කැඳවීමට ද ආයතන ප්‍රධානීන්ට අවශ්‍ය උපදෙස් ලබාදී ඇති බවත් අමාත්‍යාංශය සඳහන් කරයි.
RN
