රෂිකා හෙන්නායක අගෝස්තු 16, කොළඹ LNW :
දිවයින පුරා ක්‍රියාත්මක අපරාධ හා මත්ද්‍රව්‍ය නිවාරණ මෙහෙයුමට අදාළව පොලිස් මත්ද්‍රව්‍ය කාර්යංශයේ නිලධාරීන්ට ලද තොරතුරක් මත සිදුකළ වැටලීමකදී, වත්තල, බංගලාවත්ත ප්‍රදේශයේදී කේරළ ගංජා තොගයක් සමඟ සැකකරුවන් දෙදෙනෙකු අත්අඩංගුවට ගෙන තිබෙන බව වාර්තා වේ.
එහිදී සැකකරුවන් සන්තකයේ තිබී කේරළ ගංජා කිලෝ 309 කට ආසන්න ප්‍රමාණයක් සොයා ගෙන තිබෙන අතර, එම කේරළ ගංජා තොගයේ වටිනාකම රුපියල් කෝටි 05කට අධික බව පොලීසිය පවසයි .
එම කේරළ ගංජා තොගය සැකකරුවන් විසින් කුලී පදනම මත ලබාගත් නිවසක කාමරයක් තුළ සඟවා තිබියදී සොයා ගෙන තිබෙන අතර, මෙලෙස අත්අඩංගුවට ගෙන ඇත්තේ ග්‍රෑන්ඩ්පාස් ප්‍රදේශයේ පදිංචිකරුවන් දෙදෙනෙක් බව වාර්තා වේ.
ඔවුන් අද වැලිසර මහෙස්ත්‍රාත් අධිකරණය වෙත ඉදිරිපත් කිරීමට නියමිත බව වැඩිදුරටත් වාර්තා වේ .
