තමන් යටතේම පවතින ආයතන දෙකකට එරෙහිව බලශක්ති අමාත්‍ය කංචන විජේසේකර මහතා විසින් අපරාධ පරීක්ෂණ දෙපාර්තමේන්තුවට පැමිණිල්ලක් ඉදිරිපත් කර තිබේ.
ඒ අනුව ලංකා ඛනිජ තෙල් නීතිගත සංස්ථාවේ සහ ලංකා ඛනිජ තෙල් තොග ගබඩා පර්යන්ත සමාගමේ කටයුතු සම්බන්ධයෙන් විමර්ශනයක් කරන්නැයි තමන් පැමිණිලි කළ බවයි අමාත්‍යවරයා පවසන්නේ.
ඉන්ධන මිලදී ගැනීමේ ක්‍රියාවලිය, ටෙන්ඩර් පටිපාටිය, නිසි පරිදි ඉන්ධන ඇනවුම් නොකිරීම, සැපයුම්කරුවන් තෝරාගැනීමේ ක්‍රමවේදය, බෙදාහැරීමේ ගැටලු සහ ගෙවීම් ප්‍රමාද වීම් සම්බන්ධයෙන් විවිධ පුද්ගලයින් එල්ල කර ඇති චෝදනා පිළිබඳ විමර්ශනය කිරීම සඳහා අමාත්‍යවරයා විසින් මෙම පැමිණිල්ල ඉදිරිපත් කර ඇති බව සඳහන්.
RN
