නිශ්මං රණසිංහ අගෝස්තු 20, කොළඹ LNW
ශ්‍රී ලංකා ක්‍රිකට් ජාතික ගමණ මඝ වැඩ සටහන යටතේ දිවයිනේ සියළු ප්‍රෙද්ශ ආවරණය වන පරිදි පාසල්,ක්‍රීඩා සමාජ,දිස්ත්‍රික් සහ පළාත් මට්ටමෙන් ක්‍රිකට් උපකරණ බෙදාදීමේ වැඩ සටහන අද (අගෝස්තු 20) පෙරවරු 10 ට රටම ආවරණය පරිදි ක්‍රියාත්මක වෙනවා.එහි ප්‍රධාන උත්සවය ක්‍රීඩා අමාත්‍ය සුනිල් කුමාර ගමගේ සහ ශ්‍රී ලංකා ක්‍රිකට් හී සභාපති ශම්මි සිල්වාගේ සහභාගීත්වයෙන් ක්‍රිඩා අමාත්‍යංශයේ ඩන්කන් වයිට් ශ්‍රවණාගාරයේදී ක්‍රියාත්මක වෙනවා.
එම මොහොතේම එම ප්‍රධාන උත්සවයට සමගාමීව දිවයින පුරා ද ක්‍රිකට් උපකරණ බෙදාදීමේ වැඩපිළිවෙල ක්‍රියාත්මක කිරීමට ශ්‍රී ලංකා ක්‍රිකට් කටයුතු සංවිධානය කිරීම එම දිස්ත්‍රික් ක්‍රිකට් සංගම්වල සහයෝගය සහ ආශිර්වාදය ද ඇතුව ක්‍රියාත්මක කරනවා.
මීය පෙර නියෝජ්‍ය අමාත්‍ය සුගත් තිලකරත්න ද මේ ආකාරයට ක්‍රිකට් උපකරණ බෙදාදීම සිඳු කරන ආකාරය දකින්නට ලැබුණත්,ශ්‍රී ලංකා ක්‍රිකට් සමඟ සම්බන්ධව ඇති දිස්ත්‍රික් සම්මේලනවලට සම්බන්ධ පාසල් නියෝජිතයාගෙන් නිවැරදි තොරතුරු එම වැඩ සටහනට ලැබී නොතිබුණු බව දැක ගන්නට ලැබුණා.ඒ අනුව මේ අවස්ථාවේදී දිස්ත්‍රික් සංගම් හරහහා වඩාත් නිවැරදි කණ්ඩායම් වෙත ක්‍රිකට් උපකරණ ලඟා කිරිමක් මේ වැඩ සටහන හරහා සිඳුවනු ඇතැයි බලාපොරොත්තු තැබිය හැකියි.
