සටහන – රුවන් නෙළුගොල්ල
මෙවර ජනාධිපතිවරණයේදී ශ්රී ලංකා පොදුජන පෙරමුණ අත්හැර වෙනත් කඳවුරුවලට සම්බන්ධ වූ අය නැවත පක්ෂයට එකතු කර නොගන්නා බව පක්ෂ නායක මහින්ද රාජපක්ෂ මහතා පවසයි.
“අද දැන් සමහර පුද්ගලයින්ට මංමුලා වැල් පෑගිලා. සමහරුන් පටු වාසිවලට අපිව අත්හැරලා වෙනත් කඳවුරු හොයාගෙන ගියා. හැබැයි එකක් විශ්වාසයි, කවදාහරි දවසක ඒ අය අපේ කඳවුරට එන්න ආපහු අහනවා විශ්වාසයි … (පාක්ෂිකයින්ගෙන් ඝෝෂා) එපාද ? තමුන්නාන්සෙලාට එපා නම් මටත් එපා”
මහින්ද රාජපක්ෂ මහතා මේ බව පැවසුවේ ඊයේ (21) අනුරාධපුර කඩ පනහ ප්රදේශයේ පැවති නාමල් රාජපක්ෂ මහතාගේ මංගල ජන රැලිය අමතමිනි.
