ත්‍රස්තවාදය වැළැක්වීමේ පනත යටතේ රැඳවුම් නියෝග මත රඳවාගෙන සිටි සංවිධානාත්මක අපරාධකරුවකු වන මන්දිනු පදමසිරි පෙරේරා නොහොත් කෙහෙල්බද්දර පද්මේ නමැත්තා සැප්තැම්බර් 03 වනදා දක්වා රක්ෂිත බන්ධනාගාරගත කිරීමට කොළඹ ප්‍රධාන මහේස්ත්‍රාත් අසංග එස් බෝදරගම මහතා නියෝග කළේය.
ඒ, සැකකරු අද (25) දිනයේදී අපරාධ පරීක්ෂණ දෙපාර්තමේන්තුව විසින් කොළඹ මහේස්ත්‍රාත් අධිකරණයට ඉදිරිපත් කිරීමෙන් අනතුරුවය.
කෙහෙල්බද්දර පද්මේ ඇතුළු පිරිසක් මැලේසියාවේ සිට මෙරටට රැගෙන ආවේ 2025 ජුලි මාසයේදී වන අතර ඔහු මේ දක්වාම රැඳවුම් නියෝග මත රඳවාගෙන ප්‍රශ්න කෙරිණි.
