කොළඹ LNW: හිටපු ජනාධිපති රනිල් වික්‍රමසිංහ මහතාට පැවති විජලන තත්ත්වය පහව යමින් ඇතැයි ජාතික රෝහලේ නියෝජ්‍ය අධ්‍යක්ෂ වෛද්‍ය රුක්ෂාන් බෙල්ලන මහතා පවසයි.
හිටපු ජනාධිපතිවරයාට මේ වන විට ඇප ලැබී තිබීම හේතුවෙන් ඔහුට කැමති රෝහලකින් තවදුරටත් ප්‍රතිකාර ලබා ගැනීමට හැකියාව ඇති බවයි වෛද්‍යවරයා සඳහන් කරන්නේ.
රනිල් වික්‍රමසිංහ මහතාට හෘද වස්තුවෙහි ධමනිවල අවහිරතා ඇති බැවින් ඔහුට විවේක අවශ්‍ය බවත් වෛද්‍ය මතය අනුව තව සතියක කාලයක් පමණ ඔහුව කාර්යබහුල නොකළ යුතු බවත් ඔහු පවසයි.
කෙසේවෙතත් රනිල් වික්‍රමසිංහ මහතා තවදුරටත් කොළඹ ජාතික රෝහලේ දැඩි සත්කාර ඒකකයේ ප්‍රතිකාර ලබමින් පසුවෙයි.
