සටහන – පුන්සරා ලියනගේ
අගෝස්තු 28 ,(ලෝකය )අවුට්බවුන්ඩ් ටුඩේ:ස්විට්සර්ලන්තයේ ආහාර විද්‍යාඥයින් විසින් සම්පූර්ණ කොකෝවා පලතුරම භාවිතා කර සහ සීනි භාවිතා නොකර චොකලට් සෑදීමේ ක්‍රමයක් සොයාගෙන ඇති බව විදෙස් මාධ්‍ය වාර්තා කරයි.
විද්‍යාඥ කිම් මිශ්‍රා සහ ඔහුගේ කණ්ඩායම විසින් සූරිච් හි ෆෙඩරල් තාක්ෂණ ආයතනයේදී නිපදවන ලද මෙම නව චොක්ලට් නිෂ්පාදනය සඳහා කොකෝවා පළතුරු පල්ප්, යුෂ සහ ලෙල්ල ආදියද ඇතුළත් කර තිබේ.
මෙම ක්‍රියාවලිය දැනටමත් තිරසාර ආහාර සමාගම්වල අවධානයට ලක්ව ඇත.
ඔවුන් පවසන්නේ සාම්ප්‍රදායික චොකලට් නිෂ්පාදනය තුළ කොකෝවා ඇට පමණක් භාවිතා කිරීම වෙනුවට එහි පල්පය තුළ පවතින රසද කැටි කරමින් මෙලෙස නව නිෂ්පාදනයක් හඳුන්වා දීම කදිම අදහසක් බවය.
කොකෝවා පල්පය අන්නාසි යුෂට සමාන රසයක් ගෙන දෙන බවද, මිෂ්රා මහතා පැහැදිලි කළේය.
මෙම කොකෝවා පල්පය, චොකලට් සෑදීම සඳහා කොකෝවා ඇට වලට එකතු කරන විට, සීනි සඳහා වන අවශ්‍යතාවය නැති කරන බව පැහැදිලි කරයි.
