සටහන – රුවන් නෙළුගොල්ල
මහින්ද රාජපක්ෂ හිටපු ජනාධිපතිවරයාගේ පාලන සමය තුළ රට තාක්ෂණික පරිවර්තනයකට යොමුකිරීම ආරම්භ කළත් 2015 මැතිවරණ පරාජයත් සමග අවාසනාවන්ත ලෙස ඒ බොහෝ කාරණා නතර වුණු බවත් එයින් රට ආපස්සට ගිය බවත් ශ්‍රී ලංකා පොදුජන පෙරමුණේ ජනාධිපතිවරණ අපේක්ෂක නාමල් රාජපක්ෂ මහතා පවසයි.
“මහින්ද රාජපක්ෂ ජනාධිපතිතුමාගෙ ප්‍රතිපත්ති ඔබ හඳුනනවා. ඒක ඔබට සමීපයි. අවාසනාවට 2015 පරාජයත් එක්ක ඒ බොහෝ කාරණා නතර වුණා. රට ආපස්සට ගියා. පෝලිම් යුගය අයින් කළා කියලා කෑගැහුවාට එක පෝලිමක් අයින් වෙනකොට පාස්පෝට් පෝලිම එන්න එන්න දික්වෙනවා. මිල වැඩිකරලා අයින් කරන්න පුළුවන් පෝලිම්, පරිභෝජනය අඩු කරලා අයින් කරන්න පුළුවන් පෝලිම් අයින් කළා. තාක්ෂණයත් එක්ක බද්ධ වෙලා වැඩපිළිවෙලකින් අයින් කරන්න ඕනෙ පෝලිම අයින් කරගන්න ආණ්ඩුව අපොහොසත් වෙලා තියෙනවා. ඒ, අදාළ තාක්ෂණික පරිවර්තනයට මේ ආණ්ඩුව ගියපු නැති නිසා”
නාමල් රාජපක්ෂ මහතා මේ බව පැවසුවේ ඊයේ (29) මාතර අකුරැස්ස ප්‍රදේශයේ පැවති ප්‍රචාරක රැලියක් අමතමිනි.
