හිටපු ජනාධිපති ලේකම් සමන් ඒකනායක මහතාට ලබන සඳුදා (සැප්තැම්බර් 01) දිනයේදී අපරාධ පරීක්ෂණ දෙපාර්තමේන්තුවේ විශේෂ විමර්ශන ඒකකය හමුවේ පෙනී සිටින ලෙස දැනුම් දී තිබේ.
ඒ, හිටපු ජනාධිපති රනිල් වික්‍රමසිංහ මහතාගේ ලන්ඩන් සංචාරය පිළිබඳ සිදුකෙරෙන විමර්ශනයට අදාළව ප්‍රකාශයක් සටහන් කරගැනීම සඳහා ය. මීට පෙර ද මෙම සිද්ධියට අදාළව සමන් ඒකනායක මහතාගෙන් CIDය ප්‍රශ්න කර තිබිණි.
ජනාධිපති ධුරය දරණ සමයේදී සිය බිරිඳගේ උපාධි ප්‍රදානෝත්සවයකට සහභාගී වීම සඳහා රජයේ මුදලින් ලන්ඩනයේ සංචාරයක නිරත වූ බවට රනිල් වික්‍රමසිංහ මහතාට එල්ල වී ඇති චෝදනාවට අදාළව වික්‍රමසිංහ මහතාව පසුගියදා අත් අඩංගුවට ගෙන රක්ෂිත බන්ධනාගාරගත කෙරුණු අතර පසුව ඇප මත මුදාහරින ලදී.
