හික්කඩුව, මලවැන්න ප්රදේශයේ සිදුකළ වෙඩි තැබීමකින් පුද්ගලයෙකු තුවාල ලබා රෝහල්ගත කර තිබේ.
යතුරුපැදියකින් පැමිණි පුද්ගලයින් දෙදෙනෙකු විසින් වැගන් ආර් වර්ගයේ මෝටර් රථයකින් ගමන් කරමින් සිටී පුද්ගලයින් 05 දෙනෙකු ඉලක්ක කර ගනිමින් අද පස්වරුවේ මෙම වෙඩි තැබීම සිදුකර ඇති බවයි පොලීසිය සඳහන් කළේ.
එම පස්දෙනාගෙන් එක් පුද්ගලයකු පමණක් තුවාල ලබා බලපිටිය රෝහලට ඇතුළත් කර ඇත.
එසේම මෙම වෙඩිතැබීම සම්බන්ධයෙන් එක් පුද්ගලයකු අත් අඩංගුවට ගෙන ඇති අතර වෙඩිතැබීම සඳහා යොදාගත් ගිනිඅවිය ද පොලිස් භාරයට ගෙන ඇති බවත් පොලීසිය පවසයි.
කෙසේවෙතත් වෙඩිතැබීම සිදුකළ වෙඩික්කරු මෙතෙක් අත් අඩංගුවට ගෙන නොමැති බවත් වාර්තා විය.
