සෑම සඳුදා දිනකම “Celebrity Buzz” තුළින් ඔබට සෙලිබ්රිටි ගොසිප්ස්, ඔවුන්ගේ අලගිය මුලගිය තැන්, සැමරුම්, ඉන්ටර්විව්ස්, රතු පලසෙහි ඇස් ගිය තැන්, උපන්දිනයන්.. එකී මෙකී නොකී දෑ දැන ගැනීමට හැකි වනු ඇත. රැඳී සිටින්න අප සමඟ!
සටහන – පුලී
සැප්තැම්බර් 01, කොළඹ (LNW): ලෝකයම දන්නා සුප්රසිද්ධ පොප් ගායකයෙක් වන ජස්ටින් බීබර් මෑතකදී ඉන්දියානු මනාලියකට ඇගේ විවාහ දිනයේදී අමතක නොවන මොහොතක් නිර්මාණය කළ අවස්ථාවක් සමාජ මාධ්ය ඔස්සේ කාගේත් කතාබහට ලක් වූ කරුණකි.
මෙම අවස්ථාව මනාලිය වූ ඇය සහ එහි සිටි අමුත්තන් අතිශයින් මවිතයට පත් කරන කරුණක් වූ අතර ලොස් ඇන්ජලීස් හි පැවති මෙම විවාහ උත්සවයකදී මෙම හද උණුසුම් කරවන පුදුමය සිදුවිය.
රසික පිරිසක් විසින් බෙදාගත් වීඩියෝවක, කැලිෆෝනියාවේ ලොස් ඇන්ජලීස් හි පැවති විවාහ මංගල්යයක් සඳහා ජස්ටින් බීබර් පැමිණ තිබූ ආකාරය දක්නට ලැබිණි. වයිරල් ගිය මෙම වීඩියෝ පටයෙහි ඔහු විවාහ මංගල්ය ස්ථානයට අනපේක්ෂිත ලෙස ඇතුළු වන ආකාරය, මනාලිය සහ ඇගේ පවුලේ අය සම්පූර්ණයෙන්ම අනපේක්ෂිත වූ එම සුන්දර අවස්ථාව දකින්නට හැකි විය.
බීබර් අමුත්තන් සමඟ සුහද වූ ආකාරය සහ මනාලියන් සමඟ ඡායාරූප සඳහා පවා පෙනී සිටීමද එහි විශේෂ සිදුවීම් විය. ඔහු සරල සුදු ටී ෂර්ට් එකක් සහ නිල් කොට කලිසමක් පැළඳ සිටි අතර, එය තද නිල් පැහැති ජැකට් එකකින් ආවරණය කර ඇති අතර එය ඔහුගේ පෙනුමට අලංකාරයක් එක් කළේය.
