මේ වනවිට මෙරට ග්‍රාමීය ප්‍රදේශවල විශේෂයෙන් කාන්තාවන් මුහුණ දී සිටින ක්ෂුද්‍ර මූල්‍ය ණය සම්බන්ධ ගැටළුව පිළිබඳව පාර්ලිමේන්තු මන්ත්‍රිනී ඩයනා ගමගේ මහත්මිය අයවැය විවාදයේදී අවදානය යොමුකර තිබුණි.
දැනටමත් එම ප්‍රශ්නය හේතුවෙන් කාන්තාවන් 200කට වැඩි දෙනෙක් සියදිවි නසාගෙන තිබෙන අතර මෙකී ප්‍රශ්නයෙන් කාන්තාවන් නිදහස් කරගැනීම සඳහා ජනාධිපතිවරයාගේ සහ මහ බැංකුවේ අවධානය යොමුකරන ලෙසයි මන්ත්‍රීවරිය ඉල්ලාසිටියේ.
ඇතැම් ආයතන මහබැංකුවේ නියාමනයට හෝ යටත් නැති බවත් එම ක්ෂුද්‍ර මූල්‍ය ණය පොළිය 30%සිට 240%දක්වා විහිදෙන බවත් ඇය කියාසිටියා.
ණය ගෙවා ගැනීමට නොහැකි වීම මත බොහෝ කාන්තාවන් ලිංගික ශ්‍රමිකයින් බවට පත්ව සිටින හෙයින් වහාම මෙම ප්‍රශ්නයට විසඳුමක් දිය යුතු බවයි මන්ත්‍රීවරිය අවධාරණය කළේ.
