යළි ශ්රී ලංකාවට පැමිණි ගෝඨාභය රාජපක්ෂ මහතා තවදුරටත් ක්රියාකාරී දේශපාලනයේ නිරත වන්නේද යන්න පිළිබඳව මේ දිනවල බොහෝදෙනාගේ කතාබහට ලක්ව තිබේ. පසුගියදා පැවති මාධ්ය හමුවකදී පොදුජන පෙරමුණේ පාර්ලිමේන්තු මන්ත්රීවරුන් සඳහන් කළේ රාජපක්ෂ මහතා පාර්ලිමේන්තුවට පැමිණ අගමැති ධුරයට පත් වන්නේ නම් තම උපරිම සහයෝගය ලබාදෙන බවයි.
කෙසේ නමුත් හිටපු ජනාධිපතිවරයාගේ ඉදිරි දේශපාලන කටයුතු සම්බන්ධයෙන් හෝ පාර්ලිමේන්තු ආගමනය සම්බන්ධයෙන් හෝ පොදුජන පෙරමුණ තුළ කිසිදු කතාබහක් සිදුව නොමැති බවයි වාර්තා වන්නේ.
මේ අතර පොදුජන පෙරමුණේ ජාතික ලැයිස්තු මන්ත්රී සීතා අරඹෙපොල මහත්මිය මාධ්ය වෙත පවසා තිබෙන්නේ ගෝඨාභය රාජපක්ෂ මහතා පාර්ලිමේන්තුවට පැමිණීමට අදහස් කරන්නේ නම් තමන්ගේ මන්ත්රී ධුරය පරිත්යාග කිරීමට සූදානම් බවයි. කෙසේ නමුත් එවැනි ඉල්ලීමක් පක්ෂයෙන් හෝ රාජපක්ෂ මහතාගේ පාර්ශ්වයෙන් සිදුව නොමැති බවද මන්ත්රීවරිය සඳහන් කරනවා.
අරඹෙපොල මහත්මිය වැඩිදුරටත් ප්රකාශ කරන්නේ හිටපු ජනාධිපතිවරයා පාර්ලිමේන්තුවට පැමිණෙන කතාව සමාජ මාධ්ය හරහා පැතිර යන අසත්ය පුවතක් බවයි.
UN