ජාත්‍යන්තර මූල්‍ය අරමුදලත් සමග ආණ්ඩුව අත්සන් තැබූ ගිවිසුමේ කොන්දේසි වහාම රටට හෙළිකළ යුතු බව ජනතා විමුක්ති පෙරමුණේ හිටපු පළාත්සභා මන්ත්‍රී වසන්ත සමරසිංහ මහතා පවසයි.
“මේ ණය අර්බුදය ගැන, ආර්ථික අර්බුදය ගැන කතා කරන්න ගියපු සාකච්ඡාවකදී රනිල් වික්‍රමසිංහ එදා හිටපු කබ්‍රාල් එක්කත් පැටළුණා මේ ජාත්‍යන්තර මූල්‍ය අරමුදලේ කොන්දේසි මොනවාද කියන කාරණාවට. දැන් අද අපට රනිල් එක්ක පැටළෙන්න වෙලා තියෙන්නෙ දැන් ඔයගොල්ලො ජාත්‍යන්තර මූල්‍ය අරමුදලත් එක්ක ගහපු ගිවිසුමේ කොන්දේසි මොනවද ? ආණ්ඩුව එකඟ වෙච්ච එකඟතාවට ආපු ලියවිල්ල අත්සන් කරලා දීලා ගිහිල්ලා තියෙනවා කියලා තමයි අපට ආරංචි. ඇයි මේක පාර්ලිමේන්තුවට දැම්මෙ නැත්තෙ ? ඇයි මේක රටට හෙළිකරන්නෙ නැත්තෙ ? ලංකාවේ ආණ්ඩුව එකඟ වෙච්ච එකඟතා මොනවාද කියලා ලෝකෙට කියන්න ඕනෙ”
වසන්ත සමරසිංහ මහතා මේ බව පැවසුවේ ඊයේ (03) දිනයේදී මාධ්‍ය වෙත අදහස් දක්වමිනි.
RN
