ඇමරිකානු සුපිරි ටෙනිස් ක්‍රීඩිකා සෙරීනා විලියම්ස් සිය සමුගැනීම ප්‍රකාශයට පත්කර තිබෙනවා. මෙවර ඇමරිකානු විවෘත ටෙනිස් තරගාවලියේ කාන්තා කේවල අංශයේ සිව්වැනි වටය සඳහා සෙරීනා ඊයේ සහභාගි විය. ඒ ඔස්ට්‍රේලියානු ක්‍රීඩිකා අජ්ලා ටොම්ජනොවික් සමගයි.
ලෝක ශ්‍රේණිගත කිරීම්වල 46 වැනි ස්ථානයේ රැඳී සිටින ඔස්ට්‍රේලියානු ක්‍රීඩිකාව හමුවේ සෙරීනා තරග වට 2-1 ක් ලෙස පරාජයට පත් වූවාය. අවසන් ලකුණු සටහන දැක්වුනේ 75, 6-7 හා 6-1 ලෙසයි.
මෙම පරාජයත් සමගින් සෙරීනා විලියම්ස් සිය සමුගැනීම ප්‍රකාශයට පත් කළාය.
වසර 27 ක වෘත්තීය ටෙනිස් ක්‍රීඩාව තුළ ග්‍රෑන්ඩස්ලෑම් ශූරතා 23 කට හිමිකම් කීමට සෙරීනා විලියම්ස් සමත් වූවාය. ඉන් 23 ක් කේවල ඉසව්වලින් දිනාගත් අතර යුගල ශූරතා 14 ක් හා මිශ්‍ර යුගල ශූරතා දෙකක් ඊට ඇතුළත් වේ. ඇය ජයගත් සමස්ත කේවල තරග ප්‍රමාණය 847 කි.
UN
