මහා බ්‍රිතාන්‍යයේ අග්‍රාමාත්‍ය ධුරය හිමිවන්නේ කාටද යන්න පිළිබඳ අවසන් තීරණය අද ප්‍රකාශයට පත් කිරීමට නියමිතය. නව අගමැතිවරයා අද ප්‍රකාශයට පත් කිරීමෙන් අනතුරුව හෙට දිනයේදී නව අගමැතිවරයා එලිසබෙත් මහ රැජින ඉදිරියේ දිවුරුම් දීමට නියමිතය.
පාලක කන්සර්වේටිව් පක්ෂයේ නායකත්වය දරන පුද්ගලයාට අගමැති ධුරය හිමිවන අතර පක්ෂ නායකත්වය තෝරා ගැනීම අදියර කිහිපයකින් පැවැත්විණි. අවසන් තරගකරුවන් දෙදෙනා වන්නේ හිටපු මුදල් අමාත්‍ය රිෂී සුනක් සහ වත්මන් විදේශ කටයුතු ඇමතිනිය වන ලීසා ට්‍රස් යන දෙදෙනායි.
එරට මාධ්‍ය වාර්තාවලට අනුව මුල් වටවලදී රිෂී සුනක් ඉදිරියෙන් සිටියද මේ වනවිට ලීසා ට්‍රස් ඔහු අභිබවා යාමට සමත්ව ඇති බවයි. ඒ අනුව බොහෝදුරට ලීසා ට්‍රස් අගමැති තනතුරට පත්වනු ඇත.
ජනතා විස්වාසය අඛණ්ඩව රඳා පවත්වා ගැනීමට අසමත් වීම හේතුවෙන් සහ ආර්ථික අර්බුදයට නිසි විසඳුම් ලබාදීමට අසමත් වීම හේතුවෙන් බොරිස් ජොන්සන්ට අගමැති ධුරයෙන් ඉල්ලා අස්වීමට සිදුවිය.
UN
