රෂිකා හෙන්නායක සැප්තැම්බර් 06, කොළඹ LNW :
පසුගියදා නිමාවට පත් වූ අධ්‍යයන පොදු සහතික පත්‍ර උසස් පෙළ විභාගයේ පිළිතුරු පත්‍ර ඇගයීමේ කටයුතු මේ වන විට ආරම්භ කර තිබේ.
විභාග කොමසාරිස් ජනරාල්වරියට අනුව මෙම ක්‍රියාවලිය අදියර තුනක් යටතේ සිදු කෙරෙන අතර, එළඹෙන ඔක්තෝම්බර් මස අග වන විට එය අවසන් කිරීමට අපේක්ෂිතය.
මීට අමතරව, විභාගයට අදාළ ප්‍රායෝගික පරීක්ෂණ සැප්තැම්බර් මස අගදී පැවැත්වීමට කටයුතු යොදා ඇත. මෙවර විභාගය සඳහා අපේක්ෂකයින් ලක්ෂ තුනකට අධික පිරිසක් සහභාගී වී ඇති බව වාර්තා වේ.
බලධාරීන්ගේ මූලික අරමුණ වී ඇත්තේ වසර අවසානයට පෙර විභාග ප්‍රතිඵල නිකුත් කර සිසුන්ට ලබා දීමයි.
මෙමගින් විභාග කටයුතු කාලෝචිත ලෙස නිම කිරීමේ රජයේ සූදානම මනාව පිළිබිඹු වේ.
