මහා පරිමාණ මත්ද්‍රව්‍ය ජාවාරම්කරුවකු වන ශිරාන් බාසික් නමැත්තාගේ පියා මධ්‍යම අපරාධ විමර්ශන කාර්යාංශය (CCIB) විසින් මීට මඳවේලාවකට පෙර අත්අඩංගුවට ගෙන තිබේ.
ඒ, මුදල් විශුද්ධිකරණය පිළිබඳ චෝදනාවකට අදාළව බවයි ආරංචිමාර්ග සඳහන් කළේ.
ඩුබායි රාජ්‍යයේදී අත් අඩංගුවට පත්ව මෙරටට එවනු ලැබූ ශිරාන් බාසික් මේ වනවිට රැඳවුම් නියෝග මත CCIBය භාරයේ රඳවාගෙන විමර්ශන කටයුතු සිදුකෙරෙමින් පවතී.
ගම්පහ ප්‍රදේශයේ පිහිටි, ශිරාන් බාසික්ගේ පියාගේ නමට මිලදීගෙන ඇති රුපියල් කෝටි 03ක් පමණ වටිනා නිවසක් පිළිබඳ ප්‍රශ්න කිරීම සඳහා අද (11) දිනයේදී CCIBයට පැමිණෙන ලෙස ශිරාන් බාසික්ගේ පියාට දැනුම්දී තිබුණු අතර ඒ අනුව එහි පැමිණි පසුව ඔහුගෙන් ප්‍රකාශයක් සටහන් කරගෙන ඔහුව අත් අඩංගුවට ගෙන ඇති බව සඳහන්.
