ඩීපී එඩියුකේෂන් තවත් සම්මානයකින් පිදුම් ලබයි !

සටහන – රුවන් නෙළුගොල්ල

පෙරේදා (10) කොළඹදී පැවති 2024 Calin Popular Awards උළෙලේදී ඩීපී එඩියුකේෂන් ආයතනය විශේෂ ඇගයීම් සම්මානයෙන් පිදුම් ලැබීය.

ඒ, දැයේ දරුවන් වෙනුවෙන් ගුණාත්මක අධ්‍යාපනයක් නොමිලේ සැපයීමේ මෙහෙවර වෙනුවෙනි.

මෙරට පාසල් අධ්‍යාපනය ලබන දරු දැරියන් අතරින් ලක්ෂ 15කට අධික පිරිසක් ඩීපී එඩියුකේෂන් වැඩසටහන ඔස්සේ අධ්‍යාපනයට දායකත්වය ලබාගන්නා අතර තවත් 280,000 ක පමණ සිසු සිසුවියන් පිරිසක් ඩීපී එඩියුකේෂන් අයිටී කැම්පස් වැඩසටහන ඔස්සේ රැකියා ඉලක්කගත පරිගණකා භාෂා පාඨමාලාව හදාරමින් සිටිති. ඉංග්‍රීසි, ජපන්, කොරියන්, ඉතාලි සහ චීන භාෂා නොමිලේ හදාරණ සිසුන් විශාල සංඛ්‍යාවක් මෙන්ම විවිධ වෘත්තීය පුහුණුවලට සම්බන්ධ වී සිටින සිසුන් රැසක් ද ඩීපී එඩියුකේෂන් සෙවණේ සිටිති.

ඩීපී එඩියුකේෂන් යනු ධම්මික සහ ප්‍රිසිලා පෙරේරා පදනම විසින් පවත්වාගෙන යන මෙරට දැවැන්තම සමාජ සත්කාරක වැඩසටහනයි.