විදුලි බිල් නොගෙවන පාරිභෝගිකයන්ගේ විදුලි සැපයුම අත්හිටුවීම සියලුදෙනාටම සමාන අයුරින් ක්‍රියාත්මක වන බවත්, පන්සල්වලට හෝ ආගමික ස්ථානවලට හෝ වෙනම නීතියක් ක්‍රියාත්මක නොවන බවත් විදුලිබල හා බලශක්ති අමාත්‍ය කංචන විජේසේකර මහතා ට්විටර් පණිවුඩයක් නිකුත් කරමින් කියා සිටී.
ඕමල්පෙ සෝභිත හිමි පසුගියදා ප්‍රකාශ කළේ වැඩිකළ විදුලි බිල ගෙවීමට බොහෝ ආගමික ස්ථානවලට නොහැකි බවයි. හැකියාව තිබුණද වැඩිකළ විදුලි බිල නොගෙවන බවත්, විදුලි බිල ඉහළ දැමීමේ ආණ්ඩුවේ තීරණයට එරෙහිව විදුලි බිල නොගෙවීමේ ජාතික ව්‍යාපාරයක් ආරම්භ කරන බවත් සෝභිත හිමි වැඩිදුරටත් ප්‍රකාශ කර තිබිණි.
විදුලිබල අමාත්‍යවරයා පවසන්නේ විදුලිය භාවිතා කරන්නේ නම් බිල් ගෙවීම අනිවාර්ය බවයි. දිගින් දිගටම බිල් නොගෙවන පුද්ගලයන්ගේ විදුලි සැපයුම අත්හිටුවන බවද ඇමතිවරයා පවසනවා.
සෝභිත හිමි සිදු කරන ප්‍රකාශ සම්පූර්ණයෙන්ම දේශපාලනික අරමුණු ඔස්සේ සිදුකරන ප්‍රකාශ බව ඇමතිවරයා වැඩිදුරටත් ප්‍රකාශ කරනවා.
UN
