පසුගිය 11 වැනිදා රුසියාවේදී පැවති කසාන් මුස්ලිම් සිනමා සම්මාන උළෙලේදී ශ්‍රී ලංකාව නියෝජනය කර ‘ද නිවුස්පේපර්’ සිනමා පටය සම්මානයට පාත්‍ර වී තිබෙනවා. මෙවර සිනමා උළෙල පැවැත්වුනේ 18 වැනි වරටයි.
එහිදී සම්මාන උළෙලේ හොඳම නළුවාට හිමි සම්මානය දිනා ගැනීමට නිවුස්පේපර්හි රඟපෑ කුමාර තිරිමාදුර සහ සරත් කොතලාවල සමත් විය. මෙම චිත්‍රපටයේ අධ්‍යක්ෂවරුන් ලෙස කටයුතු කරන්නේද ඔවුන් දෙදෙනායි.
අමාත්‍ය බන්දුල ගුණවර්ධන, රවීන්ද්‍ර ගුරුගේ සහ ඩබ්. ප්‍රේමසිරි සම නිෂ්පාදනයක් ලෙස ‘ද නිවුස්පේපර්’ නිර්මාණය කෙරිණි.
අමාත්‍ය බන්දුල ගුණවර්ධන මහතා සම්මාන උළෙල සඳහා සහභාගි වූ අතර ඒ අනුව හොඳම නළුවාට හිමි සම්මානය කුමාර තිරිමාදුර සහ සරත් කොතලාවල වෙනුවෙන් බන්දුල ගුණවර්ධන මහතා ලබාගෙන තිබේ.
මීට පෙරද මෙම සිනමා පටය විදේශ සිනමා උළෙල කිහිපයකදී ඇගයීමට පාත්‍ර විය.
UN
