රෂිකා හෙන්නායක සැප්තැම්බර් 14, ලෝකය (අවුට්බවුන්ඩ් ටුඩේ):
තායිලන්තයේ, හිපපොටේමස් පැටවෙකු රසික උමතුවක් ඇති කර තිබෙන බව වාර්තා වේ. Moo Deng ලෙස මෙම කුඩා පැටවාව නම් කර ඇත්තේ, “bouncy pig” යන අර්ථය ඇතිවයි.පසුගිය ජුලි මාසයේ එම පැටවා පතායා නගරයට ආසන්න Khao Kheow නම් සත්වෝද්‍යානයේ දී උපත ලබා ඇති බව එරට මාධ්‍ය වාර්තා කරයි.
මෙම කුඩා හිපෝ පැටවාගේ ඡායාරූප සහ වීඩියෝ දර්ශන මේ වනවිට අන්තර්ජාලය පුරා ඉතා වේගයෙන් ප්‍රචාරයවන බව සඳහන්. නිලධාරීන් පවසන්නේ, මේ ගැහැණු හිපෝ පැටවාව සියැසින් දක බලා ගැනීම සඳහා Khao Kheow විවෘත සත්වෝද්‍යානයට අනුව පසුගිය ජූලි මාසයේ සිට පැමිණෙන අමුත්තන්ගේ සංඛ්‍යාව දෙගුණ වී ඇති බවයි.
හිපපොටේමස් පැටවාට හිරිහැර නොකරන ලෙස, සත්වෝද්‍යාන අධ්‍යක්ෂවරයා ජනතාවගෙන් ඉල්ලා ඇති බවද වාර්තා වේ.
