රෂිකා හෙන්නායක සැප්තැම්බර් 15, කොළඹ LNW :
මැන්චෙස්ටර් ඩර්බි පාපන්දු තරගයේදී වැරදි විනිශ්චයක් ලබාදීම හේතුවෙන් ප්‍රිමියර් ලීග් VAR විනිසුරුවන් දෙදෙනෙකුට ඉදිරි තරග තහනමක් පනවා ඇති බව සඳහන් වේ.
මැන්චෙස්ටර් සිටි කණ්ඩායම ජයග්‍රහණය කළ එම තරගයේදී අර්ලින් හාර්ලන්ඩ් ලබාගත් ගෝලය, ක්‍රීඩකයෙකු ඕෆ්සයිඩ් (offside) මට්ටමේ සිටීම නොසලකා හරිමින් අනුමත කිරීම මෙම මතභේදයට හේතු වී ඇත.
විනිසුරු මඩුල්ලේ ප්‍රධානියා විසින් ගනු ලැබූ මෙම තීරණයට අනුව මැට් ඩොනොහියු සහ බ්ලේක් ඇන්ට්‍රෝබස් යන නිලධාරීන් මෙලෙස සේවයෙන් ඉවත් කර තිබේ.
එම වැරදි තීරණය සම්බන්ධයෙන් විනිසුරු සංගමය (Pro Ref) සිය කනගාටුව පළ කර ඇති අතර, අදාළ නිලධාරීන් ජාත්‍යන්තර විවේක කාලයෙන් පසුව මිස නැවත සේවයට නොපැමිණෙනු ඇත.
මේ වන විට මැන්චෙස්ටර් සිටි කණ්ඩායම ප්‍රසාද ලකුණු සටහනේ ඉදිරියෙන් පසුවන අතර යුනයිටඩ් කණ්ඩායම පසුබෑමකට ලක්ව සිටී.
