මේ වනවිට රටේ පවතින ආර්ථික අර්බුදය හමුවේ ජනතාව දැඩි පීඩාවට පත්ව සිටින බවත් ඔවුන් නිවෙස්වල ඇති බත් හට්ටි පවා කොල්ලකන තත්වයට පත්ව ඇති බවත් ජනතා විමුක්ති පෙරමුණේ දේශපාලන බලමණ්ඩල සභික සුනිල් හඳුන්නෙත්ති මහතා පවසයි.
“යුද්ධය තිබුණ කාලෙදීවත් නැති තරමට අද මේ උතුරේ සහ නැගෙනහිර පළාතේ මංකොල්ලකෑම් වැඩිවෙලා තිබෙනවා. ලෝක ආහාර සංවිධානය කියලා තියෙනවා ලංකාවේ ජනගහණයෙන් ලක්ෂ 63ක් අද ඉන්නේ බඩගින්නේ කියන එක. මට ඊයේ කිලිනොච්චියේදී හම්බවුණා මාස නවයක දරුවෙක් එයාගෙ අම්මාත් එක්ක අධිමන්දපෝෂණ තත්වයෙන් ඉන්නවා. හැබැයි සහනාධාරයක් දෙන්නෙ නෑ. අඩු ගාණෙ ආණ්ඩුවෙන් හම්බවෙන රුපියල් 5000 වත් ලැබෙන්නෙ නෑ.
අද බත් හට්ටිය උස්සාගෙන යන තත්වයට පත්වෙලා තියෙනවා. පාන් ගෙඩිය උදුරාගෙන යන තත්වයට පත්වෙලා තියෙනවා. කඩවල් කඩන්න පටන් අරන් තියෙනවා. මිනිස්සුන්ට ජීවත් වෙන්න බැරිවුණාම, දරුවන්ට කන්න ටික දෙන්න බැරිවුණාම, මිනිස්සු මංකොල්ලකන තැනට පත්කරලා තියෙනවා මේ පාලකයෝ විසින්”
සුනිල් හඳුන්නෙත්ති මහතා මේ බව පැවසුවේ ඊයේ (17) පැවති ජනතා විමුක්ති පෙරමුණේ මාධ්ය හමුවක් අමතමිනි.
RN
