රෂිකා හෙන්නායක සැප්තැම්බර් 20, කොළඹ LNW :
හැටන් ප්රදේශයට ඇදහැලෙන අධික වර්ෂාවත් සමඟ ඩිකෝය, වන්රාජා වතුයාය ආශ්රිත හැටන්-බගවන්තලාව-මස්කෙළිය-බලංගොඩ මාර්ගයට විශාල පස් කන්දක් කඩා වැටීමෙන් එම මාර්ගයේ රථවාහන ගමනාගමනය සම්පූර්ණයෙන්ම ඇනහිට තිබේ.
අද (20) පෙරවරු 11.00ට පමණ මෙම නායයෑම සිදුවූ අතර, හැටන් පොලිසිය සහ ප්රදේශවාසීන් එක්ව මාර්ගයේ ඇති පස් ඉවත් කිරීමේ කටයුතු ආරම්භ කර ඇත.
පස් ඉවත් කිරීමේ කටයුතු කඩිනම් කිරීම සඳහා අවශ්ය යන්ත්රෝපකරණ යොදවන ලෙස මාර්ග සංවර්ධන අධිකාරියට ද දැනුම් දී ඇති බව පොලිසිය පැවසීය.
එම ස්ථානයේ තවදුරටත් නායයෑමේ අවදානමක් පවතින බැවින්, අදාළ මාර්ග කොටස ඔස්සේ ගමන් කරන රියදුරන් දැඩි අවධානයෙන් හා ප්රවේශමෙන් කටයුතු කරන ලෙස හැටන් පොලිසිය ඉල්ලා සිටී.
