සටහන – රෂිකා හෙන්නායක
කොළඹ (LNW): සැප්තැම්බර් 21 සිට 22 දක්වා යුක්‍රේන ජනාධිපති Volodymyr Zelensky කැනඩාවේ සංචාරය කරන බවයි අග්‍රාමාත්‍ය ජස්ටින් ටෘඩෝ නිවේදනය කර ඇත.
ඒ අනුව, යුක්‍රේන ජනාධිපති Volodymyr Zelensky කැනඩාවට ගොස් අගමැති ජස්ටින් ටෲඩෝ හමුවීමට සහ කැනේඩියානු පාර්ලිමේන්තුව ඇමතීමට නියමිත බව විදෙස් මාධ්‍ය සඳහන් කරයි.
තවදුරටත් විදෙස් මාධ්‍ය පවසන්නේ, කැනඩාවේ සිටින කාලය අතරතුර, යුක්‍රේනයේ අනාගතය වෙනුවෙන් පුද්ගලික අංශයේ ආයෝජන ශක්තිමත් කිරීම සඳහා කැනේඩියානු ව්‍යාපාරික නායකයින් හමුවීමට යුක්‍රේන ජනාධිපතිවරයා බලාපොරොත්තු වන බවයි.
වොෂින්ටනයේ රැඳී සිටි යුක්‍රේන ජනපති කැනඩාවට ඒමට පෙර එක්සත් ජනපද නීති සම්පාදකයින් සහ අමෙරිකානු ජනාධිපති ජෝ බයිඩන් හමුව ඇති බව විදෙස් මාධ්‍ය පෙන්වා දෙයි.
යුක්‍රේන ජනපතිවරයා ප්‍රථම වතාවට රුසියානු ආක්‍රමණයෙන් පසු එක්සත් ජාතීන්ගේ ආරක්ෂක මණ්ඩලය ඇමතීමටද පසුගියදා ක්‍රියා කරනු ලැබීය.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
