රෂිකා හෙන්නායක සැප්තැම්බර් 26, කොළඹ LNW :
මෙම මස අවසානයේ සිට ඩීසල් ලීටරයකට රුපියල් 80ත් 100ත් අතර සහනාධාරයක් ලබා දීම පිළිබඳව රජය සලකා බලමින් සිටින බව, බලශක්ති අමාත්ය අනුර කරුණාතිලක මහතා පවසයි.
ලංකා ඛනිජ තෙල් සංස්ථාව (CPC) ඇතුළු ඉන්ධන අලෙවිකරුවන් විසින් ඉන්ධන අලෙවිය හරහා දරා ඇති පාඩු පිළිබඳ දත්ත ලබා දෙන ලෙස ඉල්ලා ඇති බව අමාත්යවරයා සඳහන් කළේය.
එම දත්ත විශ්ලේෂණය කිරීමෙන් අනතුරුව නිශ්චිත සහනාධාර මුදල තීරණය කරනු ඇති බව ද ඔහු වැඩිදුරටත් පැවසීය.
මෙම මස අවසානයේදී ඉන්ධන මිල සංශෝධනය කිරීමට නියමිතව ඇති අතර, පවතින මිල ගණන් එලෙසම පවත්වාගෙන යාමටත් ඩීසල් මිල ඉහළ යාම වළක්වා ගැනීමටත් රජය අවධානය යොමු කර තිබේ.
මේ අතර, බොරතෙල් බැරලයක මිල ඇමරිකානු WTI වෙළඳපොළ තුළ ඇමරිකානු ඩොලර් 92.41ක් පමණ වන අතර, බ්රිතාන්ය බ්රෙන්ට් (Brent) වෙළඳපොළ තුළ එය ඇමරිකානු ඩොලර් 104.03ක් ලෙස සටහන් වේ.
