වත්මන් ජනාධිපති රනිල් වික්‍රමසිංහ මහතාට හෝ ඇමති ධුර වෙන්දේසි කර අටවාගෙන ඇති ආණ්ඩුවට හෝ කිසිදු ජනමතයක් නොමැති බව සමගි ජන බලවේගයේ පාර්ලිමේන්තු මන්ත්‍රී එස්.එම්. මරික්කාර් මහතා පවසනවා. අවම වශයෙන් නගර සභා, ප්‍රාදේශීය සභාවලට හෝ ජනබලයක් නොමැති බව මන්ත්‍රීවරයා පෙන්වා දෙනවා.
මේ නිසා සැබෑ ජනමතය නියෝජනය වන ආණ්ඩුවක්, පාර්ලිමේන්තුවක් නිර්මාණය කරගත යුතු බවත්, ඒ සඳහා හැකි ඉක්මනින් මහ මැතිවරණයක් පැවැත්විය යුතු බවත් කැස්බෑම සමගි ජන බලවේගයේ ආසන බලමණ්ඩලය අමතමින් මරික්කාර් මහතා සඳහන් කළේය.
පාර්ලිමේන්තුව විසුරුවා හැරීම සඳහා පාර්ලිමේන්තුවේ බහුතරය විපක්ෂයට ලැබිය යුතු බවත්, ඒ අනුව තවත් මන්ත්‍රී ධුර 10 ක් වෙනස් වුවහොත් ජනාධිපතිවරයාට අකමැත්තෙන් හෝ පාර්ලිමේන්තුව විසුරුවා හැරීමට සිදුවන බවත් මන්ත්‍රීවරයා පවසනවා. දැනට සමගි ජන බලවේගය, දෙමළ ජාතික සන්ධානය, ශ්‍රීලනිප ඉතිරි කණ්ඩාය, පොදුජන පෙරමුණෙන් විපක්ෂයට පැමිණි කණ්ඩායම් එක්ව විපක්ෂය සතුව මන්ත්‍රී ධුර 103 ක් තිබෙන බවයි ඔහු පෙන්වා දෙන්නේ.
ආණ්ඩුවට සහාය දෙන මන්ත්‍රීවරුන් 10 ක් විපක්ෂයට එකතු වුවහොත් පාර්ලිමේන්තුව ඉබේම විසුරුවා හැරෙන බව මරික්කාර් මහතා පවසනවා.
UN
