ගම්පොළ විවිධ සේවා සමූපකාරය හා පානදුර විවිධ සේවා සමූපකාර සමිතිවල මහා සභාවට නියෝජිතයන් තෝරා පත්කර ගැනීමේ ඡන්ද විමසීමේදී ශ්‍රී ලංකා පොදුජන පෙරමුණ නියෝජනය කරන කණ්ඩායමට විශිෂ්ට ජයක් අත්වී ඇති බව වාර්තා වේ.
ඒ අනුව, පානදුර විවිධ සේවා සමූපකාර සමිතියේ මහා සභාවේ ආසන 87න් 53ක් ශ්‍රී ලංකා පොදුජන පෙරමුණ නියෝජනය කරන පාර්ශවයට ද 34ක් විපක්ෂය නියෝජනය කරන කණ්ඩායමට ද හිමිව තිබේ.
මේ අතර, ගම්පොළ විවිධ සේවා සමූපකාර සමිතියේ අධ්‍යක්ෂක මණ්ඩල සාමාජික සංඛ්‍යාවෙන් ශ්‍රී ලංකා පොදුජන පෙරමුණ නියෝජනය කරන කණ්ඩායම අධ්‍යක්ෂධුර 06ක් ජයග්‍රහණය කළ අතර, විපක්ෂයට සහාය පළකරන කණ්ඩායම ලබා ගෙන ඇත්තේ එක් අධ්‍යක්ෂකධුරයක් පමණි.
මෙමඟින්, ගම්පොළ සහ පානදුර විවිධ සේවා සමූපකාර සමිතිවල මැතිවරණවල ජය තහවුරු කර ගැනීමට ශ්‍රී ලංකා පොදුජන පෙරමුණ සමත්ව තිබේ.
MIAP
