මහනුවර පොලිස් ස්ථානයේ පොලිස් නිළධාරීන් බහුතරයක් මාරු කර යවා තිබෙනවා. මහනුවර කොට්ඨාසය බාර ජ්යෙෂ්ට පොලිස් අධිකාරීවරයාගේ නියෝගය මත මෙම මාරුවීම් සිදුකර ඇත.
මහනුවර පොලීසියෙන් අපේක්ෂිත මහජන සේවය නිසි පරිදි නොලැබෙන බවට ලැබුණු පැමිණිලි මත මෙම තීරණයට එළඹ ඇති බවයි වාර්තා වන්නේ.
මෑතකදී ස්ථාන මාරුවීමක් ලබා මහනුවර පොලීසිය වෙත පැමිණි විවිධ පැමිණිලි අංශයේ ස්ථානාධිපතිවරයා සහ අධිකරණ කටයුතුවලට සම්බන්ධ සැරයන්වරුන් දෙදෙනෙකු පමණක් තවදුරටත් එම රාජකාරිවල නිරත වන අතර පොලිස් පරීක්ෂකවරයෙකු, උප පොලිස් පරීක්ෂකවරුන් පස් දෙනෙකු ඇතුළු හතළිහකට ආසන්න පිරිසකට ස්ථාන මාරුවීම් ලබා දී තිබේ.
අධිකරණ කටයුතුවලට බාධා සිදුවන බැවින් අදාල සැරයන්වරුන් දෙදෙනා මහනුරව පොලිස් ස්ථානයේම රාජකාරිවල රඳවා තැබීමටයි තීරණය කර තිබෙන්නේ.
UN
