රෂිකා හෙන්නායක ඔක්තෝබර් 05, කොළඹ LNW :
පවතින අධික වර්ෂාපතන තත්ත්වය හේතුවෙන් දිස්ත්‍රික්ක 17ක පවුල් 1,190කට අයත් පුද්ගලයින් 4,363 දෙනෙකු පීඩාවට පත්ව සිටින බව, ආපදා කළමනාකරණ මධ්‍යස්ථානය පවසයි.
අධික වර්ෂාව හේතුවෙන් ඇති වූ ආපදා තත්ත්වයන් නිසා පුද්ගලයින් සිව්දෙනෙකු ජීවිතක්ෂයට පත්ව ඇති අතර තවත් අටදෙනෙකු තුවාල ලබා ඇති බව එම මධ්‍යස්ථානය සඳහන් කළේය.
මේ අතර, පවතින වියළි කාලගුණික තත්ත්වය හේතුවෙන් දිස්ත්‍රික්ක 12ක පවුල් 49,796කට අයත් පුද්ගලයින් 164,348 දෙනෙකු පීඩාවට පත්ව සිටින බව ද ආපදා කළමනාකරණ මධ්‍යස්ථානය පැවසීය.
