රෂිකා හෙන්නායක සැප්තැම්බර් 29, කොළඹ LNW:
2011 වසරේදී යාපනයේදී දේශපාලන ක්‍රියාකාරීන් වන ලලිත් කුමාර් වීරරාජ් සහ කුගන් මුරුගානන්දන් අතුරුදහන් වීමේ සිද්ධියට අදාළ නඩුව සම්බන්ධයෙන් සාක්ෂි දීම සඳහා හිටපු ජනාධිපති ගෝඨාභය රාජපක්ෂ මහතා අද කොළඹ ප්‍රධාන මහේස්ත්‍රාත් අධිකරණය හමුවේ පෙනී සිටියේය.
ආරක්ෂිත හේතූන් මත යාපනයට ගමන් කිරීමේදී ඔහු මුහුණ දෙන අපහසුතා පිළිබඳව රාජපක්ෂ මහතාගේ නීතිඥයින් අධිකරණයට දැනුම් දීමෙන් පසුව, අන්තර්ජාල වීඩියෝ තාක්ෂණය ඔස්සේ සාක්ෂි ලබා දීමට යාපනය මහේස්ත්‍රාත් අධිකරණය ඔහුට අවසර දී තිබුණි.
ඒ අනුව, අද දින කොළඹ ප්‍රධාන මහේස්ත්‍රාත් අධිකරණය හමුවේ පෙනී සිටිමින් අන්තර්ජාල වීඩියෝ තාක්ෂණය ඔස්සේ යාපනය මහේස්ත්‍රාත් අධිකරණය හමුවේ සාක්ෂි ලබා දෙන ලෙස ගෝඨාභය රාජපක්ෂ මහතාට නියෝග කර තිබුණි.
