සටහන: සශිකලා මධුෂාණී
ලෝකය(අවුට්බවුන්ඩ් ටුඩේ) ඔක්තෝම්බර් මස 01: ඉරානයේ ඉස්ලාමීය විප්ලවීය ආරක්ෂක බලකායේ (IRGC) භූමි හමුදාවට අයත් කුඩිස් හමුදා කඳවුර පවසන්නේ, දකුණු-නැගෙනහිර ඉරානයේ සෙහෙදාන් (Zahedan) නගරයේ සිදු කිරීමට සැලසුම් කර තිබූ බව කියන ත්‍රස්ත ප්‍රහාරයක් වළක්වාලීමේ මෙහෙයුමකදී පුද්ගලයන් හයදෙනෙකු මියගිය බවයි.
කුඩිස් හමුදා කඳවුරෙහි මහජන සම්බන්ධතා කාර්යාලය සඳහන් කළේ, ප්‍රදේශවාසීන්ගෙන් ලැබුණු තොරතුරු සහ බුද්ධි මෙහෙයුම් මගින් අදාළ කණ්ඩායම පිළිබඳ නිවැරදි තොරතුරු ලබා ගැනීමෙන් අනතුරුව බ්‍රහස්පතින්දා උදෑසන මෙහෙයුම ආරම්භ කළ බවයි.
මෙම කණ්ඩායම ඉරානයේ සිස්තාන් සහ බලුචෙස්තාන් පළාතේ අගනුවර වන සෙහෙදාන් නගරයේ ත්‍රස්ත ප්‍රහාරයක් සිදු කිරීමට සැලසුම් කරමින් සිටි බව කුඩිස් හමුදා කඳවුර ප්‍රකාශයේ සඳහන් වේ. කුඩ්ස් කඳවුරේ මහජන සම්බන්ධතා කාර්යාලයට අනුව, ප්‍රදේශවාසීන්ගෙන් ලැබුණු තොරතුරු සහ බුද්ධි මෙහෙයුම් මගින් කණ්ඩායම පිළිබඳව නිශ්චිත නිරීක්ෂණ ස්ථාපිත කිරීමෙන් පසු බ්‍රහස්පතින්දා උදෑසන ත්‍රස්තවාදී කණ්ඩායම හඳුනාගෙන ඉලක්ක කර ගත් බවයි.
මෙහෙයුමේදී මියගොස් ඇති බවත්, ඔවුන් සතුව තිබූ බව කියන පුපුරන ද්‍රව්‍ය සහ බෝම්බ උපාංග කිහිපයක් සොයාගෙන අත්අඩංගුවට ගත් බව සඳහන් වන අතර කෙසේ වෙතත්, මෙම තොරතුරු ඉරාන ආරක්ෂක බලධාරීන් විසින් නිකුත් කළ ප්‍රකාශ මත පදනම් වන අතර, සිද්ධිය පිළිබඳ ස්වාධීන තහවුරු කිරීම් පිළිබඳ තොරතුරු මෙතෙක් වාර්තා වී නොමැත.
