රෂිකා හෙන්නායක ඔක්තෝබර් 01, කොළඹ LNW :
ජනතා විමුක්ති පෙරමුණේ ප්‍රධාන ලේකම් ටිල්වින් සිල්වා මහතා, ඉන්දීය විදේශ කටයුතු අමාත්‍ය ආචාර්ය එස්. ජයශංකර් මහතා හමුවී තිබේ.
ටිල්වින් සිල්වා මහතා ඉන්දියාවේ සිදු කළ නිල සංචාරය අතරතුර මෙම හමුව සිදුවිය. ‘X’ (ට්විටර්) සමාජ මාධ්‍ය ඔස්සේ අදහස් දක්වමින් ආචාර්ය ජයශංකර් මහතා සඳහන් කළේ, ඉන්දියාව සහ ශ්‍රී ලංකාව අතර පවතින ගැඹුරු මිත්‍රත්වයේ බැඳීම් ශක්තිමත් කිරීම පිළිබඳව දෙපාර්ශ්වය අතර සාකච්ඡාවක් පැවැති බවයි.
විශ්වාසවන්ත හවුල්කරුවෙකු ලෙස ඉන්දියාව සැමවිටම ශ්‍රී ලංකාවේ ප්‍රගතිය සහ සමෘද්ධිය වෙනුවෙන් සහාය ලබා දෙන බව ද ජයශංකර් මහතා එහිදී ප්‍රකාශ කළේය.
