කාසල්රී ජලාශය අද අලුයම 2 පමණ සිට පිටාර ගලන බව වාරි ඉංජිනේරුවෝ පවසති.
මධ්‍යාම කදුකරයේ බටහිර බෑවුම් ප්‍රදේශවල ට පසුගිය දින කිපය පුරා පැවති දාරානිපාත වර්ෂාව හේතුවෙන් කාසල්රී ජලාශය අද අළුයම 2 පමණ සිට වාන් දමමින් පවති.
එම ජලාශ වේල්ල උස අඩි 155 ක් පමණ වන අතර පසුගිය දා ඊට ඉහලින් තවත් අඩි 4 ක පමණ උසක් ජලය රදවා ගැනීම සදහා විශේෂ වායු බැළුම් ආධාරයෙන් ක්‍රියාත්මක වන ගෙට්ටු පද්ධතියක් ද සවිකරන ලදී.
එම ගෙට්ටු පද්ධතියට ද ඉහලින් මෙලෙස අගලක පමණ ප්‍රමාණයකින් ජලය වාන් දමමින් පවතී.
කාසල්රි ජලාශය ලංකා විදුලිය බල මණ්ඩලය යටතේ පවතින අතර ලක්ෂපාන ජල විදුලිය බල සංකිර්ණය ට අයත් විමලසුරේන්ද්‍ර, ලක්ෂපාන, නවලක්ෂපාන හා පොල්පිටිය යන ජල විදුලිය බලාගාර සදහා ජලය යපයනු ලබයි.
එම ජල විදුලිය බලාගාර උපරිමයෙන් ක්‍රියාත්මක වන බවද විදුලි ඉංජිනේරුවන් පැවසීය.
ක්‍රිෂාන්තන්
