සටහන – රුවන් නෙළුගොල්ල
මෝටර් රථ ප්‍රවාහන දෙපාර්තමේන්තුවේ නියෝජ්‍ය කොමසාරිස්වරයකු ඇතුළු තිදෙනෙකු අල්ලස් හෝ දූෂණ චෝදනා විමර්ශන කොමිසමේ වැටළීම් අංශයේ නිලධාරීන් විසින් ඊයේ (04) පස්වරුවේ අත් අඩංගුවට ගෙන තිබේ.
ඒ, බස් රථයක පොතක් වෙනස්කර දීම සඳහා රුපියල් ලක්ෂයක මුදල් අල්ලස් වශයෙන් ඉල්ලා එය ලබාගනිමින් සිටියදී ය.
නියෝජ්‍ය කොමසාරිස්වරයාට අමතරව නාරාහේන්පිට ප්‍රධාන කාර්යාලයේ ලිපිකරුවකු සහ මෝටර් රථ ප්‍රවාහන දෙපාර්තමේන්තුවේ සේවය කරමින් සිට වැඩ තහනමට ලක්වූ පුද්ගලයකු මෙසේ අත් අඩංගුවට ගෙන ඇති බව සඳහන්.
අල්ලස් වශයෙන් ගත් මුදල වැටළීම් නිලධාරීන් ඉල්ලා සිටි අවස්ථාවේදී එක් සැකකරුවෙකු එම මුදල් නෝට්ටු සපා කා විනාශ කිරීමට උත්සාහ දරා ඇති බවත් වාර්තා විය.
