රාජ්‍ය සේවයේදී අදාල ඉලක්ක සම්පූර්ණ කරන නිලධාරීන්ට අමතර දීමනා ලබාදීමේ වැඩපිළිවෙලක් හරහා ඔවුන් තවදුරටත් අභිප්‍රේරණයට ලක් කළ හැකි බවත්, විපක්ෂ නායක සජිත් ප්‍රේමදාස මහතා පෙන්වා දෙනවා. ප්‍රවාහන ක්ෂේත්‍රයේ සිදු විය යුතු වෙනස්කම් පිළිබඳවූ සාකච්ජාවකට එක්වෙමින් විපක්ෂ නායකවරයා මේ අදහස් පළකලා.
මෙරට ප්‍රවාහන පද්ධතියේ පවතින යල්පැනගිය ක්‍රමවේද ඉවත් කර ඒකාබද්ධ වැඩපිළිවෙළක් හරහා නව තාක්ෂණය භාවිත කිරීම තුළින්, නව ලොවට ගැලපෙන, කාර්යක්ෂම ප්‍රවාහන ක්ෂේත්‍රයක් රටට හඳුන්වා දිය හැකි බවයි, සජිත් ප්‍රේමදාස මහතා පෙන්වා දෙන්නේ.
අනාගත සමගි ජන බලවේග රජයක් යටතේ ආයතනික අවශ්‍යතාවට මුල් තැන නොදී, ජාතික අවශ්‍යතාව කෙරෙහි අවධානය යොමු කරන බවත්, පුද්ගල අවශ්‍යතාව මත තීරණ නොගෙන, ජාතික අවශ්‍යතාව මත තීරණ ගන්නා වැඩපිළිවෙළක් සකස් කරන බවත් විපක්ෂ නායක සජිත් ප්‍රේමදාස මහතා අවධාරණය කළා.
ජාතිත ප්‍රතිසංස්කරණ වැඩපිළිවෙල සඳහා වූ මහලේකම් කාර්යාලය සංවිධානය කළ මෙම සාකච්ජාවට ප්‍රවාහන ක්ෂේත්‍රයට සම්බන්ධ රාජ්‍ය සහ පෞද්ගලික අංශයේ නිළධාරීන් මෙන්ම, වෘත්තීය මට්ටමින් මේ පිළිබඳ පර්යේෂණ පවත්වන විද්වතුන් පිරිසක්ද එක්ව සිටියා.
RN
