රෂිකා හෙන්නායක ඔක්තෝබර් 08, කොළඹ LNW :
දිවයින පුරා පස්වරු 1.00න් පසු වැසි හෝ ගිගුරුම් සහිත වැසි බහුලව අපේක්ෂා කළ හැකි බව කාලගුණ විද්‍යා දෙපාර්තමේන්තුව නිවේදනය කර තිබේ.
විශේෂයෙන්ම බස්නාහිර, සබරගමුව, මධ්‍යම, ඌව, වයඹ, දකුණු පළාත්වලට සහ අනුරාධපුර දිස්ත්‍රික්කයට මිලිමීටර් 100 ඉක්මවූ තද වැසි පතිත විය හැක.
ඇතැම් ප්‍රදේශවල අලුයම් කාලයේදී මීදුම් සහිත ස්වභාවයක් ද දැකගත හැකි වේ.
ගිගුරුම් සහිත වැසි සමග ඇතිවිය හැකි අකුණු උවදුරු සහ තද සුළං හේතුවෙන් සිදුවන අනතුරු වළකා ගැනීමට ජනතාව කල්පනාකාරී විය යුතුය.
වෙරළට ඔබ්බෙන් වන මුහුදු ප්‍රදේශවලද සවස් හෝ රාත්‍රී කාලයේ වැසි ඇතිවිය හැකි අතර, ගිගුරුම් සහිත අවස්ථාවලදී මුහුද ඉතා රළු වීමේ සහ තද සුළං ඇති වීමේ හැකියාව පවතී.
